يلا هاهو
------------
الجزء الرابع
صحيت على صوت الموبايل مين هلأ بدو يرن عليّ !!؟
"ألو" و منيح انه كان صوتي واضح ..
"مرح صباحو لهلأ نايمة ؟؟؟؟ حلمت فيكي !"
"لارا ؟؟ خير اللهم اجعل خير؟؟"
"حلمت انك كنت عم تلبسي فستان أزرق و أنا معك .. سألتك :"ليه عم تلبسي مرح؟".. حكتيلي :"هلأ بيجي محمد و لازم أكون مرتبة بدنا نطلع!" و كنتي لابسة دبلة .. بس في مشكلة !!"
"عجبني الحلم شو هالصباح الحلو ؟ ! شو المشكلة ؟"
"خلص مافي مشكلة ! كنت بمزح"
"خلص اوك يالله باي"
و قمت من التخت متل اللي ربح اليانصيب ! و نطيت عند ماما بوست خدها.
"يا صباح الورد"
"بسم الله صباح الخير ! شو مزاجك حلو شو القصة ؟"
"مبسوطة بدون سبب ! قولي الله يبسطني"
"الله يبسطك و يجبر بخاطرك يا إمي"
و افطرت و كل شوي بدعي يتحقق حلم لارا صحبيتي . قضيتها على التلفزيون و شوي دراسة و شوي فيسبوك.
و نحنا قاعدين منتعشى رنّ موبايل بابا. و رنّوا دقات قلبي ما بعرف ليه .. و رد بابا :
"السلام عليكم.....عنجد ؟ مبروك مبروك .. بكرا ؟! تمام ان شا الله ألف مبروك"
و قلبي رح يوقع ! وجه بابا مبين عليه ملامح الفرح ! ما بعرف أسئل شو في ولا لأ !! خايفة من الجواب .. ماما سألت :
"شو في ؟"
"هاد نبيل عزمنا على قراية فاتحة محمد بكرا"
شو ؟ كيف ؟ ليه ؟؟ محمد مين ؟! وين أنا ؟!!!
"مرح بابا كاسة الشاي رح توقع"
و فجأة وقعت الكاسة بدون قصد على أواعي . و صرت أبكي ! همه مفكرين لإنه الشاي سخن بس أنا حالياً ما عم بحس ب شي ! عم ببكي عاللي رح اشوفه من صورهم و أسمعه من أخبارهم طول الأسبوع !
