سندويشات الدجاج بالخبز البر ! وصفة سريعة التحضير لا تفوتوها
م ك خميرة فورية
1 1/2 م ك حليب باودر
3/4 ك دقيق اسمر
1/2 ك دقيق ابيض
1/2 ك موية دافيه
م ص حبة سودا
بيضة
1/4 علبة حليب بوني بيبي او اي حليب مبخر
1/2 م ص ملح
تنعجن وتترك بمكان دافي تحمر مدة ساعة ..
تنقسم قسمين و تنفرد الين مايصير ارتقاعها تقريبا 1/2 سم << تتخيلك ماسكة مسطره وتقيسين
نقطعها دوائر كبيره نوعا ما لان راح نقسم كل دائرة لـ نصين
نقليها في زيت حار بدون مانقلبها مجرد نضربها بالملعقة ونرش زيت فوقها الين ماتنتفخ ..
نقسم كل خبزة لقسمين و ممكن تحشينها اي شي انتي حابته
الخبزة لما تفتحينها تلقينها فاضية انا مافرغتها
حشيتها دجاج مسلوق و منتف + مايونيز + خس شرايح + ملح + فلفل اسود
و زينته بحلقات خيار و طماطم
ممكن جبنه حلوم مشوية مع باذنجان مقلي و جرجير
ممكن جبنه بيضا و شرايح خيار
ممكن تونا مع ماييونيز
و لو ماتحبين البر ممكن تخلين كمية الطحين كلها ابيض
