بسم الله الرحمان الرحيم
رمضان كريم
راح انزل الجزء الثاني والثالث حتى السادس اليوم عشان ماتاخر
يلا
---------------------------------------
الجزء الثاني
"مساء الخير.."
سبحان الله كيف الحروف بتطلع منه غير! يعني كلمة "مساء الخير" صرت سامعاها ١٠ مرات بس منه سمعتها غير !
"مساء النور..تفضل"
دخل و سكرت الباب و خلص بعد هلأ ما بقرب على الباب !!
الكل عم يحكي و الكل عندو مواضيع .. حتى هو عميحكي.. و ما احلى حكيو!! انا مستمعة..مو لحكي العيلة..لحكيه. ما احلى طريقته كيف بشرح بإيده و بضحك و بحكي مع هاي و هديك و انا ولا كأني موجودة. نزل العطش علي و فتت المطبخ لأشرب مي.
ضليت واقفة أفكر كيف ألفت انتباهه..و فجأة
دخل المطبخ..مسك كاسة و عباها مي..و أنا ساكته و هو ساكت ...
"كيف الجامعة؟"
سأل و أنا مشكلتي اللي حاولت كتير أحلها اني بنسى الحروف و الكلمات و الجمل لما يحكي !!
"حلوة كتير بس متل ما قولتولي اشتقت للمدرسة"
ضحك و انا صفنت !
"كنت عارف كلنا بنفكر الجامعة أحلى و لما نفوتها منشتاق للمدرسة!"
و سكتنا..و انا بفكر شو احكي مشان ما نضل ساكتين..
"طيب موفقة"
"شكراً "
و راح ! و قعدت أنا أفكر بكل حرف قاله..بس رجعت قعدت معهم مشان اسمع حكيه..
و احنا قاعدين نزلت صاعقة على راسي لما مرت عمي (إمه) حكت :
"مبارح كنا مندور على عروس ل محمد بس ما لاقينا البنت المناسبة لسا..خلص صار عمره ٢٧ و لازم يفتح بيت و يصير عنده عيله!"
و انا مصدومة بس ما بينت لإنه ما بد حدا يعرف! و لسا عم تصدمني و تحكي :
"بس في صبية حكتلي عنها ام علي حلوة و متدنية و متعلمة و حكيت مع امها مشان نزورهم "
بركان ف بداخلي ! انفجارات ! كل شي عمببكي بداخلي ! انا كل شي رسمتو معو ... كل أشعاري اللي بكتبها إلو..أحلامي معو.. كيف بدي أنسى ؟ عقلي اللي بفكر ليل نهار في شو أعمل في ؟؟؟ أشعاري بحرقهم بس عقلي ؟؟
